நெல் சாகுபடியில் இலைச்சுருட்டு புழுத் தாக்குதல் – கட்டுப்படுத்தல்!

சம்பா நெல் சாகுபடியில் இலைச்சுருட்டு புழுத்தாக்குதலைக் கட்டுப்படுத்தி உயர் விளைச்சல் பெற்ற புதுக்கோட்டை வேளாண்துறை ஆலோசனை வழங்கியுள்ளது.

புதுக்கோட்டை மாவட்டத்தில் சம்பா நெற்பயிர் வளர்ச்சிப் பருவத்தில் உள்ளது.

இலைச்சுருட்டு புழுக்கள் நெற்பயிரின் இலையில் உள்ள பச்சையத்தைச் சுரண்டி உண்பதால் இலைகளில் வெள்ளை வெள்ளையாகக் காணப்படும்.

இவ்வாறு பச்சையம் முழுவதும் சுரண்டப்பட்ட நிலையில் பயிர் எரிந்தது போல் தோன்றும். இதன் தாக்குதல் வயல் ஓரங்களில் நிழலான பகுதிகளிலும், அதிக உரம் இட்ட பகுதிகளிலும் மிகுந்து காணப்படும்.

புரட்டாசி மாதத்திலிருந்து மார்கழி மாதம் வரை இந்தத் தாக்குதல் அதிகமிருக்கும்.

இதன் தாக்குதலைக் கட்டுப்படுத்திட வரப்புகளைத் தூய்மையாக வைத்திருக்க வேண்டும்.

பரிந்துரைத்த அளவுக்கு மேல் இல்லாமல், தேவையான தழைச்சத்தினை மூன்று அல்லது நான்கு தடவையாகப் பிரித்து இடவேண்டும்.

விளக்குப் பொறியினை மாலை 6.30 மணி முதல் இரவு 10.00 மணி வரை விட்டுத் தாய் அந்துப்பூச்சிகளைக் கவர்ந்து அழிக்கலாம்.

நடவு செய்த 37,44 மற்றும் 51ம் நாட்களில் முட்டை ஒட்டுண்ணியான டிரைகோகிரம்மா கைலோனிஸ்ஸை ஏக்கருக்கு 2.சி.சி அளவுக்கு காலை நேரத்தில் வயலில் விட்டு இப்புழுவின் முட்டைக் குவியலை அழிக்கலாம்.

ஒரு கூடைத் தவிட்டில் 100 மிலி மண்ணெண்ணெய்யைக் கலந்து வயலில் விசிறுதல் வேண்டும்.

ஏறத்தாழ எட்டடி நீளமுள்ள வைக்கோல் பிரியை வடலின் இரு பக்கங்களிலும் பக்கத்திற்கொருவர் பிடித்துக் கொண்டு நெற்பயிரின் மேல் நன்குபடுமாறு இழுத்துச் செல்ல வேண்டும்.

இதனால் நெல்லின் இலைப்பகுதி வைக்கோல் பிரியில் பட்டு நிமிரும் போது, மடக்கப்பட்ட பகுதி விரிந்து விடும்.

இந்தத் தாக்குதல் கட்டுப்படவில்லை என்றால், ஏக்கருக்கு கார்டாப் ஹைட்ரோ குளோரைடு 4 Gv என்றக் குருணை மருந்தினை 7.5 கிலோ முதல் 10 கிலோ வரை மண்ணில் இட்டு கட்டுப்படுத்தலாம்.

எனவே ஒருங்கிணைந்த பயிர்ப் பாதுகாப்பு முறையில் இலைச் சுருட்டு புழுவினைக் கட்டுப்படுத்திப் பயன் அடையலாம்.

பகிரவும்:

Facebook
WhatsApp
Email
Twitter
பசுமை விவசாயம்
பசுமை விவசாயம்

என்னுடைய பெயர் கார்த்திகேயன் நான் ஒரு யூடூப் சேனல் வச்சி இருக்கேன் அதுல தமிழ்நாட்டில் இருக்கும் விவசாய்களின் தோட்டத்திற்கே சென்று விவசாய்களின் அனுபவங்கள் சாகுபடி தொழில்நுட்பங்களை பதிவேற்றம் செய்கிறேன்

Leave a Reply

Follow Us

Archives

Most Popular

Categories