துவரைக்கு ரூ.6,000 ஆதார விலை – அரசு தெரிவித்துள்ளது!

துவரைக்கு அரசின் குறைந்த பட்ச ஆதார (Minimum Support Price) விலை 6,000 ரூபாயாக நிர்ணயிக்கப்பட்டுள்ளதாக கரூர் மாவட்ட நிர்வாகம் அறிவித்துள்ளது.

இது குறித்து கரூர் மாவட்ட ஆட்சியர் மலர்விழி விடுத்துள்ள அறிக்கையில் தெரிவிக்கப்பட்டுள்ளதாவது :

கொள்முதல் (Purchase)
மத்திய அரசின் ஆதார விலை திட்டத்தின் கீழ் 2020-21ம் ஆண்டு காரிப் பருவ காலத்தில் அறுவடை செய்யப்படும் துவரை விளைபொருட்கள் இந்தாண்டு, ஏப்ரல் 9ம் தேதி வரை கொள்முதல் செய்யப்படும்.

இந்த கொள்முதல், கரூர் ஒழுங்குமுறை விற்பனை கூடத்தின் மூலம் நடைபெறும் என அரசு அறிவித்துள்ளது.

இந்தத் திட்டத்தின் கீழ் கொள்முதல் செய்யப்படவுள்ள துவரை நியாயமான சராசரி தரத்தின்படி இருக்க வேண்டும்.

விவசாயிகளால் கொண்டு வரப்படும் துவரை பயிரானது, இதர தானியங்களின் கலப்பு இல்லாமலும், சேதம் அடையாமலும், முதிர்வடையாத சுருங்கிய நிலையில் இல்லாமலும், வண்டுகள் தாக்காமலும் இருக்க வேண்டியது அவசியம்.

துவரையின் ஈரப்பதம் 12 சதவீதத்திற்கும் (Humidity) குறைவாகவும் இருக்க வேண்டும்.

இதுவரை விளைபொருளுக்கு அரசால் நிர்ணயிக்கப்பட்ட குறைந்தபட்ச ஆதார விலை (MSP) குவிண்டாலுக்கு ரூ.6.000 எனக் கொள்முதல் செய்யப்படும்.

கொள்முதல் செய்யப்படும் துவரைக்கான தொகை விவசாயிகளின் வங்கி கணக்கில் நேரடியாக வரவு வைக்கப்படும்.

மேலும், இந்த திட்டத்தின் கீழ் பயன்பெற விவசாயிகளின் சிட்டா அடங்கலில் துவரை சாகுபடி பரப்பளவு இடம் பெற்றிருக்க வேண்டும்.

வங்கி கணக்கு புத்தகம், ஆதார் அட்டை நகல் ஆகியவ இடம்பெற்றிருக்க வேண்டும் என்பது கட்டாயமாக்கப்பட்டுள்ளது.

எனவே, கரூர் மாவட்டம் அய்யர்மலை. இரும்பூதிப்பட்டி ஒழுங்குமுறை விற்பனைக் கூடம், மேற்பார்வையாளர் மற்றும் கிருஷ்ணராயபுரம் தாலுகா கீழபஞ்சம்பட்டி சீனிவாசன் தோட்டம் ஆகிய முகவரிகளில் சென்று விவசாயிகள் பயனடையலாம்.

இவ்வாய்ப்பினை துவரை பயிரிட்டுள்ள விவசாயிகள் பயன்படுத்தி தங்களது

விளைபொருட்களை விற்பனை செய்து பயனடையுமாறு கேட்டுக்கொள்ளப்படுகிறார்கள்.

பகிரவும்:

Share on facebook
Facebook
Share on whatsapp
WhatsApp
Share on email
Email
Share on twitter
Twitter
Share on google
Google+
பசுமை விவசாயம்
பசுமை விவசாயம்

என்னுடைய பெயர் கார்த்திகேயன் நான் ஒரு யூடூப் சேனல் வச்சி இருக்கேன் அதுல தமிழ்நாட்டில் இருக்கும் விவசாய்களின் தோட்டத்திற்கே சென்று விவசாய்களின் அனுபவங்கள் சாகுபடி தொழில்நுட்பங்களை பதிவேற்றம் செய்கிறேன்

Leave a Reply

Follow Us

Archives

Most Popular

Categories