சொட்டுநீ்ர் பாசனம் அமைக்க ரூ.3.86 கோடி மானியம்! – நிறுவனத்தை விவசாயிகளே தேர்ந்தெடுக்கலாம்!

பொள்ளாச்சி தெற்கு வட்டார வேளாண் துறை சார்பில், சொட்டுநீர் பாசனம் அமைக்க மானியமாக, 3.86 கோடி ரூபாய் நிதி ஒதுக்கப்பட்டுள்ளது. சொட்டுநீர் பாசனம் அமைக்கும் நிறுவனங்களை விவசாயிகளே தேர்வு செய்யவும் அனுமதி வழங்கப்பட்டுள்ளது.

சிறு-குறு விவசாயிகளுக்கு 100% மானியம்
கோவே மாவட்டம் பொள்ளாச்சி தெற்கு வட்டார வேளாண் துறையில், சொட்டுநீர் பாசன திட்ட மானியமாக, 3.86 கோடி ரூபாய் ஒதுக்கப்பட்டுள்ளது. அரசு வேளாண் உற்பத்தியை பெருக்கவும், பாசன நீரை சேமிக்கவும் சொட்டுநீர் பாசன மானியத்திட்டம் செயல்படுத்துகிறது. இதில், சிறு, குறு விவசாயிகள், 100 சதவீதமும், இதர விவசாயிகள், 75 சதவீதமும் மானியம் பெறலாம்.

ஒரு விவசாயிக்கு அதிகபட்சமாக, ஐந்து ஹெக்டேர் வரை மானியம் வழங்கப்படுகிறது. ஏற்கனவே, மானியத்தில் சொட்டுநீர் பாசனம் அமைத்து, ஏழு ஆண்டுகள் கடந்திருந்தால், மீண்டும் மானியம் பெறலாம். குத்தகை நிலமாக இருப்பின், ஏழு ஆண்டுகளுக்கு சட்டப்படி குத்தகை பத்திரம் பதிந்திருந்தால், மானியம் பெறலாம் என்றார்.

விண்ணப்பிப்பது எப்படி?
இத்திட்டத்தில் பயன்பெற விரும்பும் விவசாயிகள், www.tnhorticulture.tn.gov.in என்ற இணையதளத்தில் பதிவு செய்து கொள்ளலாம். பதிவு செய்யும் போது, தங்களுக்கு விருப்பமான சொட்டுநீர் பாசனம் அமைக்கும் நிறுவனத்தை அவர்களே தேர்வு செய்து கொள்ளலாம் எனவும்,

தொட்டி கட்டுதல் திட்டம்
மேலும், துணை நீர் மேலாண்மை திட்டத்தின் கீழ், தொட்டி கட்டுதல், மின்மோட்டார் வாங்கவும் மானியம் பெறலாம். இத்திட்டம் தொடர்பாக மேலும் தகவல் பெற, தெற்கு வட்டார உதவி வேளாண் அலுவலர்களை தொடர்பு கொள்ளலாம். உதவி வேளாண் அலுவலர்கள், தொடர்பு எண்கள் வருமாறு: கந்தசாமி – 98429 71591; சண்முகம் – 95006 22248; செல்வம் – 80723 82408; ஆனந்தபாபு – 76676 76077; செல்வராணி – 99947 00883; சரண்யா – 89408 92983.இத்தகவலை, தெற்கு வேளாண் உதவி இயக்குனர் நாகபசுபதி கூறினார்.

பகிரவும்:

Share on facebook
Facebook
Share on whatsapp
WhatsApp
Share on email
Email
Share on twitter
Twitter
Share on google
Google+
பசுமை விவசாயம்
பசுமை விவசாயம்

என்னுடைய பெயர் கார்த்திகேயன் நான் ஒரு யூடூப் சேனல் வச்சி இருக்கேன் அதுல தமிழ்நாட்டில் இருக்கும் விவசாய்களின் தோட்டத்திற்கே சென்று விவசாய்களின் அனுபவங்கள் சாகுபடி தொழில்நுட்பங்களை பதிவேற்றம் செய்கிறேன்

Leave a Reply

Follow Us

Archives

Most Popular

Categories